Overview

వివాహం అనేది ఓ వ్యక్తిని వ్యక్తిగత పరిధి నుండి సామాజిక పరిధికి విస్తరింపచేసే ఓ సాధనంగా గోచరిస్తుంది. దానికి కారణం వివాహం అనేది ఇద్దరు జీవితాంతం కలిసి ఉండాలని కోరుకుని, దానిని బలపరుచుకోవడానికి చేసే ప్రక్రియే అయినా; వివాహాన్ని ఆ ఇద్దరూ కూడా తమ వరకే అని అనుకోలేరు. వివాహాన్ని,జీవిత భాగస్వామిని సమాజంలో తమ ఐడెంటిటీ కార్డ్స్ అని అనుకునేవారు కూడా నేటికి ఉన్నారు. వ్యక్తుల లైంగికతకు-స్వేచ్ఛకు ఒక పవిత్రతను ఆపాదించే సాధనంగా వివాహం ఉన్నది అని భావించేవారు మరికొందరు. నాటి నుండి నేటి వరకు వివాహమనే బంధం బలపడిందా, లేకపోతే కాలంతో పాటు వివాహ ప్రాధాన్యత తగ్గిపోతోందా అనే అంశాన్ని ఆలోచిస్తే; వాస్తవానికి మనిషి తనకు తాను ఒక రకమైన వ్యక్తిగత స్వేచ్ఛ కోరుకునేంత ఉక్కిరిబిక్కిరితనం వివాహంలో ఉండటము,వివాహంలో ఒకరి మీద ఒకరికి ఓనర్షిప్ ఫీలింగ్ కలుగడం,కాలక్రమంలో అది 'టేకెన్ ఫర్ గ్రాంటెడ్'గా మారిపోవడము వల్ల నిజంగానే కొంత వివాహ బంధ దృఢత్వం సన్నగిల్లింది అని ఒప్పుకోక తప్పదు. ఈ వివాహ వ్యవస్థలో ఉన్న లోటు పాట్లను, లైంగిక అభిరుచులు వివాహ బంధాన్ని ప్రభావితం చేస్తున్న తీరును, వివాహం పట్ల విముఖత కలుగడానికి గల కారణాలను, ఇంకా అనేక వివాహ సంబంధిత అంశాలను 'కస్తూరి విజయం' సాహితీ సంస్థ 'తిరగబడ్డ ఉచ్చు' పేరుతో వివిధ రచయితలు వివాహం మీద రాసిన కథలను ఒక సంకలనంగా తీసుకువచ్చింది. ఈ సంకలనంలోని 21 కథలు వివాహ వాతావరణంలో ఉన్న అనేక అంశాలను స్పృశించినవే. ఈ సంకలనం చదివితే తప్పకుండా వివాహ వ్యవస్థను పాఠకులు అనేక కోణాల్లో లోతుగా అర్థం చేసుకోవచ్చు.

Full Product Details

9788196383510

Table of Contents

Reviews

కథా మార్గం కస్తూరి విజయంసుధీర్ రెడ్డి పామిరెడ్డి 'తిరగబడ్డ ఉచ్చు' వివాహ కథా వేడుక కథలన్నీ నలుగురూని చదివేలా చేస్తాయి. ఆలోచింపజేస్తాయి. ఈ కథల్లోని మలుపులు, మెలికలు, సుఖాంతాలు, దుఃఖాంతాలు రూపంగా పాఠకుల మీద చెరిగిపోని ముద్ర వేస్తాయి. సమాధానాలు వెదుక్కోటానికి అవసరమైనంత సమాచారాన్ని పాఠకుడికి ఇస్తాయి. సత్యానికి దారి చూపిస్తాయి. మెదడు కుడి భాగం సృజనాత్మకతకి పేరు పొందితే ఈ కథలన్నీ కథ నిర్మాణం లోని కథనం, సంభాషణలు, పాత్ర చిత్రణ, శైలి కేంద్రంగుండా కళా సృజన చేస్తూ సాగటం విశేషాంశం. ఈ కథలు చదివితే పెళ్ళి పట్ల అవగాహన పెరుగుతుంది. పెళ్ళి బంధంలో చిక్కుముడులన్నీ విడిపోతాయి. బంధంలో గొప్పదనం పై సహానుభూతి మొదలవుతుంది. నేటి పెళ్లిళ్ల సమస్య లోతు తెలుస్తుంది. వాటి పరిష్కార మార్గాలపై అంచనా వస్తుంది. ఈ పాత్రలు అపనమ్మకం, నింద, భాగస్వామి విలువ తెలుసుకోలేకపోవడం వంటి సమస్యల నుండి ఎలా బయటపడ్డాయే తెలుస్తుంది.ప్రతి కథ ఉద్దేశపూర్వకంగా ఎడిటర్ దృష్టిని ఆకట్టుకోటానికి ప్రయత్నిస్తుంది. సంపాదకులు, పామిరెడ్డి పద్మజ, వంగిపురపు హిమాబిందు కథ ఆసాంతమూ చదివించగలదనే నమ్మకమొచ్చాక మాత్రమే కథను ఎన్నుకున్నట్లు స్పష్టంగా తెలుస్తుంది. ఎన్ని తిప్పలయిన పడి అతి తక్కువ సమయంలో వీరి ఇరువురి కృషి పట్టుదలతో ఈ ' 'తిరగబడ్డ ఉచ్చు' వివాహ కథా వేడుకను సంతోషంగా ఒడ్డుకు చేర్చారు. వీరి సాహితి సంకల్పానికి కృతజ్ఞతలు.

Author Information

Tab Content 6

Customer Reviews

Recent Reviews

Countries Available