Overview

Kining libroha namugna kini tungod sa tumong ni Dr. Fritz nga maabot ang kadaghanan sa mga tawo nga gutom ug nahinangop sa edukasyon mahitungod sa sex - nga nakutlo diha sa iyang programa sa radyo, ""Ang Health Secrets ni Dr. Fritz"" nga pinakadugay na nga programa nga nagdagan sa DXAB-ABSCN Davao - nga karong tuiga 2013 -ana a na kini sa sobra 12 ka tuig. Ang mga pangutana nga iyang gi-apil diri mao ang mga suliran nga kanunay nga ga-balik balik nga gipagula sa mga tawo diha kaniya ug mga isyu usab nga gituhuan ni Dr. Fritz nga importante kaayo sa kinabuhi nato - ilabi na sa naghambin sa atong kinabuhing sekswal ug mga isyu nga nagpalibot niini. Daghan kanato nga mga Pilipino ang nagiyahan lamang mahitungod sa sex - pinaagi sa mga higala ug pamilya nga wala usab kabang-ka-agan mahitungod niini. Mao nga lisod kaayo nga kung ang mogiya sa buta usa usab ka buta. Kasagaran usab kanato maulaw nga mangutana mahitungod niining mga isyu sa sex - mao nga mag-antus na hinoon sa hilom sa dugay nga panahon. Dili man usab ang sex siguro ang tanan diha sa kaminyoon, apan, dili malilong nga dako gayud ang papel nga gidula niini sa maong relasyon. Nanghinaot si Dr. Fritz nga sa maong libro maabot niya ang kadaghanan ug matagaan ug ensaktong lamdag, katin-awan, katagbawan ug kasulbaran sa ilang mga sekswal nga isyu - aron matagaan ug mas maayong kalidad ang ilang mga relasyon ug kinabuhi.

Full Product Details

9781493666652

Table of Contents

Reviews

Author Information

Si Dr. Fritz Legarde Espedilla naghuman sa kurso sa pagkadoktor sa Medisina sa V. Gullas College of Medicine sa Banilad, Mandaue City. Aduna usab siyay Masters of Public Health ug PhD in Human Sexuality gikan sa Institute for Advanced Study of Human Sexuality didto sa San Francisco, California, USA. Guwas pa niini aduna usab siyay Masters of Professional Studies in Development Communication gikan sa University of the Philippines Open University. Nahimo usab siya nga medical editor sa usa ka sex and health newsletter nga naglibot didto sa North America - ""Asian Sex Secrets."" Siya usab ang radio program anchor sa iyang programa sa radyo nga ""Ang Health Secrets ni Dr. Fritz"" sa DXAB-ABSCBN Davao nga nagdagan na sa sobra 12 ka tuig na karon. Nagasulat usab siya kada semana sa iyang kolum sa Sunstar ug SuperBalita Davao. Nahimo usab siyang segment host sa TV show nga ""Maayong Buntag Mindanao"" sa ""Bantay Lawas."" Ug karon, host siya sa usa ka reality based nga TV show nga naglibod sa sex and health issues - ""Dear Dr. Fritz"" - nga makit-an diha sa PSCTV Channel 11 sa dakbayan sa Panabo ug sa Davao. Ang arts mao gayud ang naa sa kasing kasing ni Dr. Fritz - mao nga maskin pa man ug nahuman siya sa pagka-doktor. Nipailawom siya sa pagkahanas sa aesthetic dermatology and surgery. Mao usab kini ang rason nga kung aduna kini panahon si Dr. Fritz, malingaw gayud siya diha sa pagtaga niini sa pag-paint ug pag-tuon sa pagtugtog sa bayolin. Guwas pa niini, lingaw usab si Dr. Fritz uban ang iyang mga pinalanggang buhi nga si Princess, si Weda, si Gaga, si Thalia, Ken ug si Bravo.

Tab Content 6

Customer Reviews

Recent Reviews

Countries Available