Overview

ହଲବା, ମାଟିଆ, କୋୟା, ବଣ୍ଡା, କନ୍ଧ ଓ ଭୂମିଆ ସଂପ୍ରଦାୟର ଆଦିବାସୀମାନଙ୍କ ପରିବାରର କେହି ରାତିରେ ମରିଗଲେ ତା'ର ଶବକୁ ପରଦିନ ସକାଳ ପର୍ଯ୍ୟନ୍ତ ସଂସ୍କାର ନିମନ୍ତେ ରଖନ୍ତି। ଅନ୍ୟପକ୍ଷରେ ଘର ଭିତରେ ଶବ ରହିଥିବାବେଳେ ଘରଲୋକେ ନିଦରେ ଶୋଇବା ମନା। ଘରର ଲୋକଙ୍କୁ ଚିଆଁଇ ରଖିବା ଲାଗି ଗୀତକୁଡ଼ିଆ ଓ ଗୀତକୁଡ଼ିଆଣୀ ରାତିସାରା ବିଭିନ୍ନ କଥାନି ଗାଇଥାନ୍ତି। ଏହି କଥାନିରେ ମୃତ୍ୟୁ ଚେତନା, ଜୀବନର କ୍ଷଣଭଙ୍ଗୁରତା, ବିଭିନ୍ନ ପୁରାଣର ଆଖ୍ୟାନ ସହ ମୃତ ବ୍ୟକ୍ତିର ଗୁଣାବଳିର ବର୍ଣ୍ଣନା ରହିଥାଏ। ଏଭଳି କଥାନି ଗାଉଥିବା ଗୀତକୁଡ଼ିଆଣୀ ଏହି ଉପନ୍ୟାସର ମୁଖ୍ୟ ଚରିତ୍ର। ଅନ୍ୟପକ୍ଷରେ ଡଙ୍ଗରିଆ କନ୍ଧ ସଂପ୍ରଦାୟ ପାଇଁ କାପଡ଼ାଗନ୍ଦା ବା ଡଙ୍ଗରିଆ ଚାଦର ଏକ ବର୍ଣ୍ଣିଳ ପରିଚୟ। ବିଭିନ୍ନ କାରଣରୁ ଏହି ଚାଦର ଏବେ ଉଭେଇଯାଉଛି। ଗୋଟିଏ ପଟେ ପାରଂପରିକ କଳା, ସଂସ୍କୃତି ଆଦିବାସୀମାନଙ୍କୁ ବଞ୍ଚିବାର ସୁଯୋଗ ଯୋଗାଇ ପାରୁ ନ ଥିବାବେଳେ ଅନ୍ୟପଟେ ସ୍ୱାର୍ଥାନ୍ୱେଷୀ ବ୍ୟବସାୟୀମାନେ ଟଙ୍କା କେଇଟା ଦେଇ ସେମାନଙ୍କ ବାଡ଼ିବଗିଚାର ଫଳଫସଲ ନେଇ ଯାଆନ୍ତି। ଏ ଧରଣର ଶୋଷଣ ଓ ସମସ୍ୟାର ସମ୍ମୁଖୀନ ହୋଇଥିବା ଦୁଇଟି ପରିବାରର ଅଶ୍ରୁଳ କାହାଣୀ ହଜିଲା ଗୀତର ସୁର।

Full Product Details

9781645607731

Table of Contents

Reviews

Author Information

କେନ୍ଦ୍ର ସାହିତ୍ୟ ଏକାଡେମୀ, ଓଡ଼ିଶା ସାହିତ୍ୟ ଏକାଡେମୀ ଓ ଶାରଳା ପୁରସ୍କାର ଭଳି ବହୁ ପୁରସ୍କାର ଲାଭ କରିଥିବା ଗୌରହରି ଦାସ (୧୯୬୦) ଓଡ଼ିଆ ସାହିତ୍ୟର ଜଣେ କୃତବିଦ୍ୟ ଯଶସ୍ୱୀ ଲେଖକ। ଗଳ୍ପ, ଉପନ୍ୟାସ, ଭ୍ରମଣ କାହାଣୀ ଓ ନାଟକ ପ୍ରଭୃତି ସାହିତ୍ୟର ବିଭିନ୍ନ ବିଭାଗରେ ନିଜର ସାମର୍ଥ୍ୟ ପ୍ରତିପାଦିତ କରିଥିବା ଏହି ଲେଖକଙ୍କର ବହୁ ପୁସ୍ତକ ବିଭିନ୍ନ ଭାଷାରେ ଅନୂଦିତ ହୋଇଛି। ତାଙ୍କ ରଚିତ ଗଳ୍ପ ଆଧାରରେ 'ପ୍ରତୀକ୍ଷା' ଚଳଚ୍ଚିତ୍ର ନିର୍ମିତ ହୋଇଛି ଏବଂ ଏହା ଜାତୀୟ ପୁରସ୍କାର ଲାଭ କରିଛି। ଅଶୀରୁ ଊର୍ଦ୍ଧ୍ୱ ପୁସ୍ତକର ଲେଖକ ଗୌରହରି ଦାସଙ୍କ ବୈଶିଷ୍ଟ୍ୟ ହେଲା ବିବିଧବର୍ଣ୍ଣା କଥାଭୂମି ଏବଂ ବିଶ୍ୱସନୀୟ ଚରିତ୍ର ସମାବେଶ। ନିଜ ସଂପ୍ରଦାୟର ଲୋକକଳା ଓ ପରଂପରାକୁ ବଞ୍ଚେଇ ରଖିବାକୁ ଚାହୁଥିବା ଦୁଇଟି ଆଦିବାସୀ ପରିବାରର ସଂଘର୍ଷ ଉପରେ ଆଧାରିତ ଉପନ୍ୟାସ ହଜିଲା ଗୀତର ସୁର ଲେଖକଙ୍କର ଏକ ଉଲ୍ଲେଖନୀୟ ଅବଦାନ।

Tab Content 6

Countries Available