Overview
'ବୃତ୍ତ' କବି ଦୀପକ ମିଶ୍ରଙ୍କର ସପ୍ତମ କବିତା ସଂକଳନ । ବିଗତ ପନ୍ଦର ବର୍ଷ ଧରି କବି ନିରବଚ୍ଛିନ୍ନ ଭାବରେ ଆଧୁନିକ ଓଡ଼ିଆ କବିତା କ୍ଷେତ୍ରରେ ନାନା ପରୀକ୍ଷା ନିରୀକ୍ଷା କରି ଆସିଛନ୍ତି - ତଥାପି ତାଙ୍କର ପରୀକ୍ଷାର ଶେଷ ନାଇଁ । ଜୀବନର ବିରାଟ ବିପୁଳ ବୃତ୍ତର କେନ୍ଦ୍ରବିନ୍ଦୁରେ କବି ଏକ ପାଦ ରଖି ଅନ୍ୟପାଦକୁ ସେହି ବୃତ୍ତର ପରିଧିରେ ଅବସ୍ଥାପିତ କରି ସତତ ଘୂର୍ଣ୍ଣାୟମାନ । ତାଙ୍କର କାବ୍ୟ ପୁରୁଷ ସ୍ଥିର ନୁହେଁ-ଗତିଶୀଳ ଏକ ପୂର୍ଣ୍ଣ ସତ୍ୟ ଲଭ କରିବା ଆଶାରେ । ଏହି ସତ୍ୟ ପାର୍ଥିବ ଜୀବନର ସ୍ଥୂଳ ସତ୍ୟ ନୁହେଁ - ପାର୍ଥିବ ଜୀବନର ପ୍ରେମ ଓ ଯନ୍ତ୍ରଣା, ବ୍ୟଥା ଓ ବିଫଳତା, ନୈରାଶ୍ୟ ଓ ଶୋଚନୀୟତା, ବିଚ୍ଛିନ୍ନତା ଓ ନିଃସଙ୍ଗତା, ପ୍ରାପ୍ତି ଓ ଅପ୍ରାପ୍ତି - ଏହି ଦର୍ପିତ ଅବିଚଳିତ କାବ୍ୟପୁରୁଷକୁ ବେଳେ ବେଳେ ବିଚଳିତ କରିଛି ସତ୍ୟ ମାତ୍ର ଲକ୍ଷ୍ୟଚ୍ୟୁତ କରାଇ ପାରିନାହିଁ - ଏକ ଇନ୍ଦ୍ରିୟୋତ୍ତର ତୈଜସ ସତ୍ୟର ଉଦ୍]ଘାଟନ ପାଇଁ ଏହି କାବ୍ୟ ପୁରୁଷ ଗତି କରିଛି ଦୁର୍ନିବାର ଭାବରେ ।
Full Product Details
Author: Deepak Mishra
Publisher: Black Eagle Books
Imprint: Black Eagle Books
Dimensions:
Width: 14.00cm
, Height: 0.50cm
, Length: 21.60cm
Weight: 0.109kg
ISBN: 9781645600923
ISBN 10: 1645600920
Pages: 76
Publication Date: 21 November 2022
Audience:
General/trade
,
General
Format: Paperback
Publisher's Status: Active
Availability: Available To Order
We have confirmation that this item is in stock with the supplier. It will be ordered in for you and dispatched immediately.
Language: Oriya
Reviews
"ପ୍ରତ୍ୟେକ କବିତା ସ୍ୱକୀୟ ମହିମାରେ ମହିମାନ୍ୱିତ । କୌଣସି କବିତା ଭାବ ସଂପ୍ରସାରଣରେ ବା ଭାବ ବିନିମୟରେ ବାଧା ସୃଷ୍ଟି କରେ ନାହିଁ । ପ୍ରତ୍ୟେକ କବିତାରେ ଅଛି ଦୀପ୍ତି । ନୂତନ ନୂତନ ଚିତ୍ର-କଳ୍ପ ସଂଯୋଜନା ଓ ପ୍ରତୀକର ବ୍ୟବହାର ସଙ୍ଗେ ସଙ୍ଗେ ମିଥ୍]ର ଯଥାର୍ଥ ପ୍ରୟୋଗ ଏହି କବିତା ସଂକଳନର ପ୍ରତ୍ୟେକ କବିତାକୁ କାଳଜୟୀ କଳାମୂଲ୍ୟ ପ୍ରଦାନ କରିଛି । ଭାଷା ବ୍ୟବହାରରେ କବି ସଂଯତ ଓ ମିତଭାଷୀ, ଅଥଚ ତାଙ୍କର କାବ୍ୟ-ଭାଷା ଭାବଗର୍ଭକ । ପୂର୍ବ କବିତାମାନଙ୍କରେ ଯେପରି ସେ ବେଳେବେଳେ ଗଦ୍ୟାତ୍ମକ ହୋଇପଡ଼ିଥିଲେ 'ବୃତ୍ତ' କବିତା ସଂକଳନରେ ଅନ୍ତତଃ ସେଥିରୁ ମୁକ୍ତ ରହି କବିତାର ବିବିକ୍ତତା ସୃଷ୍ଟି କରିଅଛନ୍ତି । ବସ୍ତୁ ଶାସ୍ତ୍ର ଓ ଗ୍ରନ୍ଥ ଅଧ୍ୟୟନ କରି, କ୍ଷତବିକ୍ଷତ ଜୀବନ ସମ୍ବନ୍ଧରେ ବିପୁଳ ଅନୁଭୂତି ଲାଭ କରି ସେ କବିତା ସୃଷ୍ଟି କରିଚାଲିଛନ୍ତି । ବେଦ, ବେଦାନ୍ତ, ମହାଭାରତ, ଚଣ୍ଡୀପୁରାଣ, ଗୀତା, ଭାଗବତ ଓ ବିଭିନ୍ନ ତନ୍ତ୍ର ଶାସ୍ତ୍ର ଆଦି ଗ୍ରନ୍ଥଗୁଡ଼ିକର ଆତ୍ମିକ ଭାବ ସତେ ଯେପରି ତାଙ୍କର ସମସ୍ତ କବିତାରେ ବିଛାଡ଼ି ହୋଇ ପଡ଼ିଛି । ତାଙ୍କ କବିତାର ବିଚାରକ ମହାକାଳ । ନିଶ୍ଚିତ୍ତ ଭାବରେ ଏହ କାଳ ବକ୍ଷରେ ତାଙ୍କର କବିତା କାଳାତୀତ ହୋଇ ଢଳ ଢଳ ହେବ । ଏହି କାରଣରୁ ସେ କହନ୍ତି - ""ତେଣୁ ମୁଁ ତ ଧନ୍ୱନ୍ତରୀ ଆସିଛି ଉତୁରି କେତେ ଯେ ସମୁଦ୍ର ମନ୍ଥନ କରି ମୋ ଦୁଇ ହାତରେ ଦେଖ ଜଳଜଳ ନିରାମୟ ଅମୃତରପାତ୍ର ।"" ଏହାହିଁ କବି ଦୀପକ ମିଶ୍ରଙ୍କର କାବ୍ୟପୁରୁଷର କାବ୍ୟ ଜିଜ୍ଞାସା ଓ କାବ୍ୟ-ଚେତନାର ସର୍ବଶେଷ ଅଭିବ୍ୟକ୍ତ । ଅମୃତ ଆଶାୟୀ କବି ମିଶ୍ରଙ୍କର କାବ୍ୟପୁରୁଷ ତଥାପି ସୃଷ୍ଟି କରିଚାଲିଛି ନୂତନ ନୂତନ କବିତା । ଏହି ସୃଷ୍ଟିର ବିରାମ ନାହିଁ । ସେହି ଅପ୍ରତିହତ ସୃଷ୍ଟି ପ୍ରକ୍ରିୟାରେ, 'ବୃତ୍ତ' ଅଷ୍ଟମ ଦଶକର ମଧ୍ୟବର୍ତ୍ତୀ ବିନ୍ଦୁରେ ବାସ୍ତବିକ ଏକ କ୍ରାନ୍ତି ସୃଷ୍ଟି କରିଛି- ଏ ବିଶ୍ୱାସ ମୋର ଅଛି । - ଅଧ୍ୟାପକ ବୈଷ୍ଣବଚରଣ ସାମଲ"
- ] , - ' ' , , , , , , - - , ' ' - -
Author Information
ଦୀପକ ମିଶ୍ର (୧୯୩୮-୨୦୦୮) ଆଧୁନିକ ଓଡ଼ିଆ କବିତା ଧାରାରେ ପ୍ରୟୋଗବାଦର ଜଣେ ଦକ୍ଷ କାରିଗର । ୧୯୩୮ ମସିହାରେ କେନ୍ଦ୍ରାପଡ଼ାରେ ସେ ଜନ୍ମଗ୍ରହଣ କରିଥିଲେ । ଇତିହାସରେ ସ୍ନାତକୋତ୍ତର ଶିକ୍ଷା ଲାଭ କରିଥିଲେ ହେଁ ଓଡ଼ିଆ ଭାଷା ଓ ସାହିତ୍ୟ ପ୍ରତି ତାଙ୍କର ଅନୁରାଗ ତାଙ୍କୁ ସ୍ୱତନ୍ତ୍ର ପରିଚୟ ପ୍ରଦାନ କରିଛି । ପ୍ରେମ, ମୃତ୍ୟୁ, ନିର୍ଜନତା ଏବଂ ଦୁଃଖବାଦର ଅଦ୍ଭୁତ ସଂଜ୍ଞାକାର ସେ । କବି, ସମାଲୋଚକ ତଥା ଜଣେ ଅନୁବାଦକ ଭାବରେ ସେ ଓଡ଼ିଆ ସାହିତ୍ୟ ଭଣ୍ଡାରକୁ ଋଦ୍ଧିମନ୍ତ କରିଛନ୍ତି । ତାଙ୍କର କବିତା ସଂକଳନଗୁଡ଼ିକ ମଧ୍ୟରେ ରହିଛି- 'ସମାପିକା', 'ଦୀପକ ମିଶ୍ରଙ୍କ କେତୋଟି କବିତା', 'ଅନୁଷ୍ଟୁପ୍]', 'ନିଷିଦ୍ଧ ହ୍ରଦ', 'ନିର୍ଜନ ନକ୍ଷତ୍ର', 'ମଧ୍ୟାହ୍ନର ଛାଇ', 'ବୃତ୍ତ', 'ସପ୍ତମ ପୃଥିବୀ', 'ଅରଣା ମଇଁଷି', 'ଶୂନ୍ୟତାର ଶୋଷ', 'କପଟ ସୂର୍ଯ୍ୟାସ୍ତ', 'ଧୂଳିର ସିଂହାସନ', 'ନିରବଧି', 'ନାଭିଶ୍ୱାସ', 'ଋକ୍]', 'ନିଦାଘ ଯାତ୍ରା', 'ଦୀପକ ମିଶ୍ରଙ୍କ ନିର୍ବାଚିତ କବିତା', 'ସୁଖ ସଂହିତା', 'ସବୁ କବିତା' - ପ୍ରଥମ, ଦ୍ୱିତୀୟ ଓ ତୃତୀୟ ଭାଗ । 'ବୃତ୍ତ' କବିତା ସଂକଳନରେ ପ୍ରେମ ଓ ମୃତ୍ୟୁକୁ ନେଇ କବି ଦୀପକ ମିଶ୍ରଙ୍କ ରୂପ-ଚିତ୍ର ତଥା ମିଥ୍]କୀୟ ରୋମାଣ୍ଟିକ୍ ଭାବାଳୁତା ଅଦ୍ୱିତୀୟ ।
