Overview

When we hear Dafydd Edwards singing, there's no need to ask who it is. He has an unique voice, and his ability and Welshness have gone with him all over the world. Here we have it all: Dafydd the singer; Dafydd the innovative farmer; Dafydd the family historian. On top of all this, he is an instinctive story-teller. Enjoy the true taste of the hills.

Full Product Details

9781845274337

Table of Contents

Reviews

Pan oeddwn i'n ifanc, un o'r treats ar ddydd Sul oedd cael y record player mas a gwrando ar recordiau. Dad oedd dyn y recordiau yn ty ni a thra bo Mam yn y capel arferem wrando ein dau ar ddetholiad o ganeuon. Doedd ei gasgliad ddim yn amrywiol, yn anffodus, ac ymhlith ei hoff gantorion roedd Dafydd Edwards, Bethania. Nid yw hynny'n syndod gan fod y ddau yn dod o'r un ardal a hyfryd oedd gweld cofnod am fy nhad-cu yn y gyfrol. Dyma gyfrol swmpus yn adrodd hanes y canwr o'i fore oes hyd heddiw. Mae e wedi aros yn ei filltir sgwr, er ei fod bellach wedi perfformio ar draws y byd. Lyn Ebenezer sydd wedi cynorthwyo gyda'r gwaith o olygu'r gyfrol, ac yn yr atgofion ceir str o wybodaeth am hen arferion amaethyddol, enwau caeau a hen ofergoelion. Cofnodir hefyd eirfa lafar y rhan hon o'r byd ac y mae hynny, heb os, yn beth gwerthfawr. Nid oes dwywaith nad yw Dafydd yn ffermwr llwyddiannus mae fferm Plasybryniau yn dystiolaeth o hynny, ond dengys y gyfrol hon mai gwaith caled Dafydd a'i gyndeidiau sy'n gyfrifol am y llewyrch. Nid yw bywyd wedi bod yn fl i gyd a bu nifer o golledion trwm ar hyd y daith. Bu colli tad-cu a rhieni yn gryn ergyd, a chnoc arall fu colli ei wraig gyntaf, Llinos, pan nad oedd Menna, y ferch hynaf, ond yn un mis ar ddeg. Ymhellach, bu colli mab ychydig cyn ei eni yn storm arall iddo ef a'i ail wraig, Anne. Mi fyddwn i wedi hoffi mwy o gyfeirio at Llinos. Mae'r rheini ohonom sy'n dod o Geredigion yn cofio amdani'n berson amryddawn iawn a theimlaf y dylid bod wedi rhannu'r wybodaeth honno. Mi fyddai wedi bod yn braf cael gwybod ychydig hefyd am eu cyfarfyddiad a'r profiad o fagu Menna fach. Heb os, mae Anne wedi bod yn gymorth mawr iddo, ac y mae Gwawr, sy'n gantores dra enwog, yn dod llawer o bleser i'r teulu, ynghyd Menna a'r wyrion. Neilltuir rhan olaf y gyfrol i berthnasau Dafydd yn Ohio. Erbyn hyn mae wedi'u cyfarfod droeon ac y mae manylion y llinach deuluol ar flaenau ei fysedd. Dyma ganwr sydd wedi teithio'n helaeth ond hawdd gweld mai dyn ei filltir sgwr yw Dafydd yn y bn. Mae'n werth profi Blas y Bryniau er mwyn dod i adnabod Dafydd, ond hefyd ddod i adnabod y rhan hyfryd hon o Geredigion. Sarah Down-Roberts Gellir defnyddio'r adolygiad hwn at bwrpas hybu, ond gofynnir i chi gynnwys y gydnabyddiaeth ganlynol: Adolygiad oddi ar www.gwales.com, trwy ganiatd Cyngor Llyfrau Cymru. It is possible to use this review for promotional purposes, but the following acknowledgment should be included: A review from www.gwales.com with the permission of the Welsh Books Council. -- Cyngor Llyfrau Cymru

Author Information

Tab Content 6

Countries Available